ادى يا عم الناس الى بتربى ذقنها

(آددددي يااااعم
الناس اللي بتربي دقنها!!)

ادى يا عم الناس الى بتربى ذقنها 95496943_12863672_45396561

آددددي يااااعم الناس اللي بتربي دقنها
!!
كلمة بيرددها ناس كثير اوي .. ومش عارفين أثرها في قلب
كل مُلتحي مُلتزم كويس بجد

تخيل لما تكون إنت مُلتحي وحاسس ان صورتك في نظر الناس
مشوهه والمفروض انها تكون العكس

وتقعد تسأل نفسك .. طيب انا مالي ؟! ..
...
وتبقى عايز تصرخ وتقول .. مش أنا والله
..

انا مليش دعوة بالناس دي .. الاسلام مش كدة
!!

وتصحى الصبح تقرأ في الصحف .. -مُلتحون- يهاجمون قافلة
اعلامية .. وليل نهار هجوم على المُلتحين

وتسأل نفسك نفس السؤال .. طيب انا مُلتحي .. أنا لية
صورتي يحصل فيها كدة ادام الناس .. ويبدأ صراخك يزيد وتقول أنا مش كدة والله
!!!

تفتح التلفزيون .. تلاقي عادل إمام مطلعك تكفيري وإرهابي
ومنافق وزاني !! وغيره من الممثلين كثير

ويزداااد الصــراخ

تقول صباح الخير لوالدك .. تلاقيه بيقولك روح يابني احلق
دقنك .. عيش شبابك

تنزل في الشارع ..
تحس فكر بعض الناس بقى ظاهر في نظراتهم ليك وكلامهم .. بأنك تكفيري
وإرهابي بناء على اللي بيقرأوه ويسمعوه في التلفزيون

تيجي تدافع عن
الدين في حاجة .. الناس تصرخ فيك .. انت هتعملي نفسك شيخ .. انت هتكفرني انت ها.. مع انه ممكن متكنش لسة قولت حاجة اصلاً

تروح الكلية .. صحابك اللي كانوا بيحبوك .. بدأوا يشوفك
وميسلموش عليك .. عشان لا مؤاخذة أمن الدولة

ترجع البيت تقعد
مع العائلة ولما تيجي سيرة المُلتحين .. تلاقي السيرة الغريبة فقط هي اللي بتبقى على الألسنة .. المُلتحي اللي بيبص للبنات .. والمُلتحي اللي بيسرق .. والمُلتحي اللي كفر اهل بيته .. والمُلتحي الحرامي اللي
فاتح محل .. والمُلتحي اللي مربيها منظر

وانت قاعد عمال تسمع ومش عارف تقول اية
!!

وكـــــــــــــــــــل دة عشان سبب واحد فقط

مثال سئ وسط ملايين من الامثلة الجميلة جداً اللي الناس
مبيشوفهاش .. لأن عنيهم دايماً واقعة على الغلط

مبيشوفوش المُلتحي
اللي بيصلي على طول في المسجد .. المُلتحي اللي بيحفظ قرآن
.. المُلتحي اللي بطل يصاحب بنات .. المُلتحي البار
لوالديه .. المُلتحي الخلوق ابو
ابتسامة الجميلة .. دايماً كلامهم بيبقى على الصنف الآخر

هو احنا لية بنعمل دعاية سيئة عن المُلتحين ؟

لية نحط
المُلتحين كلهم في سلة واحدة .. اصلاً لية نقول مُلتحي وغير مُلتحي ؟؟!!! .. لية حاطين في دماغنا انه المُلتحي دة ملاك بجناحات وبيطير
.. ولية بنقوله يا شيخ ونديله لقب ثقيل زي دة .. لية
منعتبروش مُسلم عادي بشر بيغلط ويصحح .. ويغلط تاني
ويستغفر ولسة مُقيم على ذنب ومش عارف يتخلص منه .. وهكذا

حتى الرسول صلى الله عليه وسلم قال

ما من عبد ((((مؤمن)))) إلا
و له ذنب يعتاده الفينة بعد الفينة ، أو ذنب هو مقيم عليه لا يفارقه حتى يفارق الدنيا ، إن المؤمن خلق مفتنا توابا نساء ، إذا ذكر ذكر - السلسلة الصحيحة للشيخ الألباني

صدق رسول الله صل الله عليه وسلم

عايزين المُلتحي
يذوب وسط ملايين المُلتحيين .. عشان متبقاش اللحية سمة فئة معينة قليلة ويحس انه عليه كاميرات مراقبة .. لو فعل معصية او خطأ .. الناس ترفع عليه السيوف .. ولو فكر يعمل حاجة حلال زي البلاي ستاشن مثلاً .. الناس تقوله .. في شــــيخ يلعب بلاي ستاشن !! ولو اقنعته .. يفضل حاسس انه في حاجة غلط !! .. طبعاً لأنه حاسس انك جاي بطبق من المريخ

وآخر القول .. رفقاً بالمُلتحي .. لأنه بشر خطاء كما قال
رسول الله صلى الله عليه وسلم

كــــــــل بنـــي آدم خطــــــــاء وخيـــر الخطائــين
التوابـــون

مش عايزين
تعميم .. عايزين نبص دايماً لصورة الشاب المُلتحي المُتدين بجد
.. واللي لسة بيطلع السلم .. ندعيله بدل ما نقوله .. أحلقها
ملهاش لزمة .. او احلقها عشان
انت بتسئ للإسلام .. يبقى احنا بالظبط بنقوله - استسلم

زي اللي بيشوف المصحف عليه تراب ويحس انه هاجر القرآن
بقاله كثير .. فيجي فكر الشيطان يقوله

حطه تحت المخدة عشان ميتربش

وجزاكم الله خيراً

اصبتي
جزاك الله خيرا

اخي الكريم احمد السيد
تحياتي لكرم مروركم الطيب
وجزاكم الله خيرا

رائع
جزاك الله خيرا

وحشرك بجوار النبي الامين

الصلاة والسلام على من لا نبي بعده
جزاااااك الله خيرااااا

جزاكم الله خيرا جميعا
وتقبل الله منا ومنكم صالح الاعمال وخواتمها
تحياتي واحترامي

» فضل الإصلاح بين الناس
» حديث (صلاة الرجل تطوعا حيث لا يراه الناس تعدل صلاته على أعين الناس خمسا وعشرين)
» حاسديني الناس و انا في عز ضيقي-
» كلام الناس ......................؟؟؟؟؟؟؟؟؟؟
» اكمل الناس لذه