..... الخطيب

الخطيب 


شيخ في مسجد بيخطب واغلب الحاضرين من بسطاء القرية،   
و وصل إلى حديث:
(حتى لو دخلوا جحر  ضب لدخلتموه.. أخرجه الطبراني).
فسأله واحد من الحاضرين: الطبراني أخرج الضب ؟!
قاله الشيخ :  لا ... أخرج الحديث.
سأله الثاني :  من جحر الضب ؟؟!! 
قال الشيخ : لا يا إبن الحلال ..... أخرجه ... يعني رواه...
قاله : هو كان عطشان ؟
رد :  قال قصدي روي الحديث يعني قاله نقلا عن أحد ،،
سأله الثالث : طيب و الضب ، إيه اللي حصل له ؟!! 
قال الشيخ: الضب  ده  إستعارة بس يا إخوانا 
سأله الرابع: يعني الضب  مش بتاع الطبراني ؟!!
رد الشيخ: لا يا أخي،  الطبراني ما عندوش ضب ..
سأله الخامس: طيب الطبراني استعار الضب  من مين ؟
الشيخ إتعصب 
و قالهم : إلهي ربنا  ياخذني لو جيت  اخطب فيكم تاني !!
سأله السادس: ليه يا شيخ عايز تخطب ؟ هو إنت مش متزوج !!!
فنزل الشيخ من علي المنبر و رمي العمة علي الارض، و خرج من المسجد و راح لأقرب حلاق ، وحلق دقنه ، 
و هجر القرية و راح قرية تانية بعيدة و إشتغل هناك في محل فول وطعمية  ..
و بعد فتره ،، مر عليه واحد من اهل القرية الأولى  وقال له: تعرف لو تربي دقنك،  حتبقي شبه واحد كان خطيب عندنا في المسجد زمان ؟
فسأله الشيخ بفضول : و كان  اسمه إيه الخطيب ده ؟
رد عليه :  والله انا مش فاكر اسمه، لكن أعرف إنه كان مربي  عنده ضب ،،، و مسلفه  للطبراني! 


الحكمه: 
خاطبوا الناس علي قدر عقولهم 


وصل اللهم على سيدنا محمد وعلى آله وصحبه وسلم


منقول