قلبٌ مزكوم !!

موضوع: قلبٌ مزكوم !! الخميس يوليو 11, 2013 2:59 pm

كل عام وانتم بخير .. وربنا يباركلنا في رمضان ويرزقنا فيه العتق والقبول

هي خاطرة لعلها تنفعني وإياكم يارب ..

كتير مننا لسه مشتغلش ..

بيشكو كسله وارهاقه وتعبه ..

بس نفسه يشتغل .. نفسه يحس برمضان .. نفسه يقرب بحق وحقيقي

بس المشكله إنها غفلة 11 شهر ..

نااااااااااااااااااااااايم .. غاااااااااااااااااافل ..........

ومننا اللي بدأ ..

بيصلي القيام وبيصوم بالنهار

بيكثر من الصدقة واطعام الطعام

والقران بيقرأ في اليوم بالجزء والاكثر

ومننا اللي همته عالية أوي وقرب يختم .. وفي اللي ختم بالفعل

طيب مشكلته ايه ؟

برده مش حاااااااااسس

نفسي اعيش الطاعة بمشاعري

نفسي أحس بالقران اللي بقرأه .. أعيش أياته

أنا كل يوم في جامع ..

لعلي اسمع شيخ يحسسني برمضان بجد

رافع ايدي ليل نهار .. حتي الدعاء مش حاسس بيه

طيب وبعدين ..

هي المشكلة ايه

جاء رجل لسيدنا علي يشكو له انه لا يقوي علي قيام الليل

فقال : " انت رجل ارهقتك الذنوب " .

ذنوووووووووووووووووب ..

مشكلتك انك مدخلتش رمضان نضيف

ذنوووووووووووب تحول بين قلبك والاحساس

ودي مشكلتنا كلنا

ذنوبنا كترت أوي ودنيـــــــــا شاغلانا أوي

غفلة 11 شهر

من رمضان اللي فات تقريبا

طب هتفضل كده .. ألفت عدم الاحساس ؟

هتقعد تعمل الطاعة وانت مش حاسس بيها ؟!

لاااااااااااااااااااااااااااااا

اوعي تستسلم ..

احنا اه منستهلش بس ربنا كبييييييييييييييييييييير

الموضوع ده مينفعش ليه غير ربنا

ادخل اوضتك .. واقفل بابك .. واطفي النور

عيش احساس وانت وحدك ..

مفيش غيره مطلع عليك

صلي علي حبيبك محمد ..

ربنا بيحب سيدنا النبي .. يمكن سبحانه يسمعك بتصلي علي حبيبه فيرحمك

يااااااااااااااااارب ..

قولها بقلبك .. انت في ورطة وده سبيل النجاااااااااه

ياااااااااااااااااااارب

دا أنا

عبدك .. عارف اني جاي متأخر بس محتاجلك بجد

يارب .. مسكين يارب

كل الناس سبقتني إليك

وانا بحبك ونفسي اوصل

يارب دي فرصتي في رمضان

لا تجعلني مع القاعدين .. لا تذرني من المخلفين

لا حمل لي لعذابك .. ولا طاقة لي بنارك

ولا اعلم في دنياي إلا أنت ينجيني

أجرني من جحيم البعد .. فلست أقوي .. واجعلني من عتقائك

حبيبي منذ أن فتحت عيني الدنيا .. وعرفت انني مجبول عليها لم تجد عيني سواك يرعاه

لم أكن أفهم ما أبي وما أمي

ولكن كنت أفهم جيدا اللـــــــــــــــــه

لم تتلمس يدي الحنان إلا منك ..

(( غذيتني في الحشا جنينا .. وكنت لي قبل والديا ))

واليوم كبرت .. وأذنبت

وها قد عدت عبيدك ذاك الذي ما عرف الا انت ..

استجير بك من ذنب أخشي يمنعني منك ..

لست من القائمين الليل لا يفترون

ولا من الصائمين لا يفطرون

ولكن عبيدا أحبَّك ..

صدقا أحبَّك

اغفر لي واعف عني وسامحني

برحمتك أستغيث أصلح لي شأني كله

ولا تكلني إلى نفسي ..

يارب : قلبي قلبي .. ذليلٌ بين يديك .. حاله لا يخفى عليك

أثقلته الذنوب وأرهقته الدنيا ..

وقد أتاك مطرقا حزينا على ما فاته منك ..

زين بالصدق حياءه كي يناجيك ..

وادعي بقى كل اللي انت عاوزه والكريم القريب المجيب يسمع ويرى سبحانه

ومتنساش المسلمين في كل مكان

" ادعوا ربكم تضرعا وخفية " تضرعا : تذللا واستكانة
خفية : بخشوع قلوبـــــكم همسا فيما بينكم وربكم
...

ادخل لربنا من الباب ده .. مش هتلاقي زحمة

ده باب ربنا بيحبه ..

لعل الله بعتقك بيه .. لعل الله يرحمك بيه

لعلك تجد الاحساس عند من يملكه فيهبه لك بقول : " كن "

** حسٍّن أخلاقك .. ربنا بيحب حسن الخلق

أحب الناس الي الله .. أحاسنهم أخلاقا

ــ " أربع إذا كن فيك فلا عليك ما فاتك من الدنيا : صدق الحديث و حفظ الأمانة و حسن الخلق و عفة مطعم " .
(صحيح) انظر حديث رقم: 873 في صحيح الجامع.

** واحب الاعمال الي الله سرور تدخله علي مسلم

ترقب الاخبار السارة وبلغها للناس ..

زور قرايبك لو كانت زيارتك سرور

** خليك سهل .. ربنا سهل

لو صاحبك غلط في حقك وجايلك سامحه من غير حتي ما تسمع عتابه

الموضوع صعب لان في ناس مستفزة كتير .. بس جاهد نفسك

ولو نفسك غلطت عاتبها .. ربنا بيحب النفس اللوامة

واخفض جناحك للمؤمنين

** أكثر من الذكر ففيه حياة قلبك

" ألا بذكر الله تطمئن القلوب "

أقعد حتي ولو ربع ساعة أستغفر ربنا فيهم

مش لازم تجيب الف ولا الفين بس هات واحدة من قلبك

تستشعر فيها ذنبك ..

قد تكون اغلي عند ربنا من الاف الذكر من غير قلب ولا احساس

وبعدها اذكر كتير وربنا يقبلك ان شاء الله

** وفي القيام .. ماسك المصحف تقرأ وبتقلب في صفحاته

مش مركز بتقرأ ايه .. ولا الاية بتتكلم عن ايه

صلي بسورة أنت بتحبها أوي .. سورة اياتها بتأخذ قلبك

هتحس للصلاة طعم تاني

بعض الصحابة كان يظل الليل كله يصلي بآية .. مأسور فيها

ممكن الاية دي تعليك عند ربنا كتيـــــــــر أوي

أفضل من مليون أيه يقرأها لسانك دون قلبك

د خالد أبو شادي بيقول في كتاب جرعات الدواء :

" لعل دموع خشيتك تنتظرُ منك آية تُتلى في خشوعٍ لتنهمر ،
أو خلوة وجلٍ لتنفجر ، وتسألني متى هو : " قل عسى أن يكون قريبا "
وتطلبُ مني الرد في أي ليلة هذا فأقول : " علمها عند ربي في كتاب "
وتلح في السؤال : مَن المُوَفَّق لذلك ؟ ، فأقول :
" الله يجتبي إليه من يشاء ويهدي إليه من ينيب " .

فهم هذا جيدا أبو سليمان الداراني فأوصاني وأوصاك قائلا :

فإذا وجدت قلبك في القيام فلا تركع
وإذا وجدته في الركوع فلا ترفع ..

(( ليتنا نقتربُ من الله ولو شعــــرة
ليتنا عشنا في أنواره لحـــــــظة ))
،

الموضوع عاوز جد وتعب .. اتعب عشان ربنا .. تلاقي الخير كله باذن الله

** حاجة كمان عايزين نقولها :
لما الواحد بيروح مكان حلو بيحب ياخد منه حاجة ذكرى مش كده ..
حاول في رمضان تعمل كشكول كده أو أجندة صغيرة سميها :
" رمضانيات "

تكون خاصة بذكرياتك في رمضان .. رمضان بس :
آية حبيتها أوي .. حسيتها أوي ..
بكيت لما سمعتها من الشيخ ..
اكتب أي كلمة أثرت فيك سمعتها في درس أو غيره
اكتب دعاء ربنا من عليك بيه ..
اكتب موقف شفته اتأثرت بيه واتعلمت منه

اكتب أي حاجة حلوة اتعلمتها أو اتأثرت بيها في رمضان .

عشان بعد رمضان بإذن الله هنرجع لتكدير الدنيا تاني والقلوب هتبعد تاني وتقسو تاني
( نسأل الله العفو والعافية )

الإنسان يجد نفسه أعمى وهو بصير .. بصير الرؤية .. أعمى القلب

تائه وحيد يحتاج إلى نسمات ذكرى تعيد له النور ، نسمات تجدد الاحساس بقلبه

نسيم دمعة أو نبضة حب أو شوق أو خوف من الله عز وجل ..
عندما يمر عبير هذه الذكرى بخياله ..

تقرأها فترد روح رمضان لقلبك .. " فيأت بصيرا "

الموضوع الجميل ده يذكرنا أيضا بالسنن المنسية يمكن تكون طريق عشان
يشعر القلب المزكوم برمضان

سلمت أناملك على النقل الرائع
جزاكى الله كل خير

وجزاكى مثله ابنتى
ونور الله قلبك وطريقك بنور الله