كل حاجة حرام حرام .. أمال ايه اللي حلال ؟!

ربنا سبحانه وتعالى فرض فرائض لا يجوز تضييعها
وحد حدودا لا يجوز تعديها
وحرم أشياء لا يجوز انتهاكها .

و النبي صلى اله عليه وسلم قال:
( ما أحل الله في كتابه فهو حلال ، وما حرم فهو حرام وما سكت عنه فهو عافية فاقبلوا من الله العافية ، فإن الله لم يكن نسيا ثم تلا هذه الآية d]وما كان ربك نسيا ] . )
[ رواه الحاكم 2/375 وحسنه الألباني في غاية المرام ص: 14 ]

يعني ربنا سبحانه و تعالى بين في كتابه وعلى لسان نبيه صلى الله عليه وسلم كل الأشياء الحلال و كل الأشياء الحرام..
وما سكت عنه ولم يبين فيه حكم معين فده معفي عنه
لأن ربنا سبحانه وتعالى لا ينسى!
فلو فرضنا -جدلا وحاشا لله أن يحدث- أن النبي مثلا نسي يوضح في السنة حكم شئ
فربنا لا ينسى !
فلن ينسى سبحانه أن ينزل وحي بالشئ ده مهما كان صغيرا أو كبيرا

نرجع تاني

طيب ايه هي المحرمات؟

المحرمات هي حدود الله عز وجل
( ومن يتعد حدود الله فقد ظلم نفسه ) الطلاق 1

وقد هدد الله من يتعدى حدوده وينتهك حرماته..
فقال سبحانه :
( ومن يعص الله ورسوله ويتعد حدوده يدخله نارا خالدا فيها وله عذاب مهين )
سورة النساء 14

واجتناب المحرمات واجب لقول النبي صلى الله عليه وسلم
( ما نهيتكم عنه فاجتنبوه وما أمرتكم به فافعلوا منه ما استطعتم)
[ رواه مسلم]

يعني في المحرمات والحاجات اللي النبي نهى عنها قال لفظ واحد
اجتنبوه!
ولا حتة صغيرة من الحرام تتعمل

أما الأوامر .. فالرسول قال ما معناه: اعملوا اللي تقدروا عليه منها
فعلق الأوامر بقدرة الإنسان على عملها (نستفيد منها أن الأوامر بتتاخد جملة واحدة)
فكل أوامر الرسول مفروض تتطبق .. لكن على حسب القدرة
مش على حسب حكمها فرض أو سنة زي ما ناس كتير للأسف بتقسم الاعمال كده .. فرض خلاص هعمله... سنة يبقى مش لازم ... إلا من رحم ربي!

حاجة كده ساعات بنلاحظها من ناس بالذات اللي بيحبوا يمشوا على سطر و يسيبوا سطر
نسأل الله لنا ولهم الهداية

لو سمع بالمحرمات ورا بعضها يفضل يتضجر ويتأفف ويقول :

كل حاجة حرام حرام حرام ..! ما تركتوش حاجة إلا حرمتموها قفلتوا علينا حياتنا.. وختقتونا .. وضيقتوا عيشتنا
وما عندكوش إلا الحرام والتحريم
الدين يسر.. والأمر واسع .. واختلاف العلماء رحمة
والله غفور رحيم .

طيب نتكلم بهدوء

عايزين نتفق على مفاهيم معينة:

المفهوم الأول:

ربنا جل وعلا يحكم ما يشاء لا معقب لحكمه وهو الحكيم الخبير فهو يحل ما يشاء ويحرم ما يشاء سبحانه

ومن أساسيات عبوديتنا لله عز وجل أننا نرضى بما حكم ونسلم تسليما .

وأحكام ربنا سبحانه صادرة عن علمه وحكمته وعدله ليست عبثا ولا لعبا كما قال الله :
( وتمت كلمة ربك صدقا وعدلا لا مبدل لكلماته وهو السميع العليم ) الأنعام 115

وربنا عز وجل بين لنا ضابط مهم جدا يفهمنا حكمة التحليل و التحريم
فقال تعالى : ( ويحل لهم الطيبات ويحرم عليهم الخبائث ) الأعراف 157
فالطيب حلال والخبيث حرام .

سبحان الله اللطيف الخبير!

يعني ربنا مش هيحلل لنا حاجة إلا لو كانت طيبة في ذاتها
ومش هيحرم حاجة إلا لو كانت خبيثة في ذاتها
المفهوم التاني:

التحليل والتحريم حق لله وحده فاللي يدعيه لنفسه أو يقر به لغيره فهو كافر كفرا أكبر مخرجا عن الملة
( أم لهم شركاء شرعوا لهم من الدين ما لم يأذن به الله .. ) الشورى 21

زي النصارى عياذا بالله
القسيس يقول لهم حلال يعملوا.. حرام مايعملوش
المفهوم الثالث:

أكيد كلنا بنتفق أنه لا يجوز لأي أحد أن يتكلم في الحلال والحرام إلا أهل العلم العالمين بالكتاب والسنة

وفي القرآن ربنا قال آية فيها تحذير شديد في اللي بيحلل ويحرم من غير علم فقال تعالى :
( ولا تقولوا لما تصف ألسنتكم الكذب هذا حلال وهذا حرام لتفتروا على الله الكذب .. ) سورة النحل 116