حدوته ظريفة ( ديل الفأر ) لحبايبي الصغار

حدوته ظريفة ( ديل الفأر ) لحبايبي الصغار 400_F_4020203_Gsd4wJZI5S4ytvdtNuEiCE3krc4Sonbpv

كان ياما كان يا سعد يا إكرام

ولا يحلى الكلام إلا بذكر النبي

عليه الصلاة والسلام

كان فيه فار صغيور عايش في مطبخ بيت كبير

وكان في البيت داه عايشة قطة كبيرة بتحرسه من الفيران

وفي يوم من الأيام قام الفار من النوم جعان

وقام يتسحب بالراحه

علشان القطة متحسش بيه

دخل الفار على برطمانات العسل وقعد ياكل منه

وأكل حتة جبنه لذيذه كلها فيتامينات

وكمان قطم قطمتين من السويس الموجود

وهو بياكل خبطت رجله في برطمان والبرطمان اتكسر

القطة صحت من النوم وجت تجري وهي بتقول

ميااااااااااااااااو

جرت القطة ورا الفار وقامت هوب واخده ديل الفار بين سنانها وقطعته

وقف الفار يبص على ديله

وقعد يتحايل عالقطة ويقولها: لو سمحتي رجعلي ديلي

القطة قالته : حرجعلك ديلك بشرط تجيبلي لبن طازه

حدوته ظريفة ( ديل الفأر ) لحبايبي الصغار Milk

الفار قاله حاضر حاضر وجرى للمزرعه اللي جنبهم وراح للبقرة وقال لها

يا بقرة يا طيبة القطة أكلت ذيلي

والقطة عايزة لبن علشان ترجعهولي

واللبن عندك انتي ممكن تديني؟

حدوته ظريفة ( ديل الفأر ) لحبايبي الصغار Ist2_2901953_cartoon_cow

البقرة قالتله : ممكن طبعا بس أنا لازم أكل علشان أديلك لبن

هاتلي برسيم من عند الفلاح

الفار جرى بسرعه وراح للفلاح

حدوته ظريفة ( ديل الفأر ) لحبايبي الصغار Ist2_8312800-cartoon-farmer

قاله : يا عم يا فلاح القطة أكلت ذيلي

والقطة عايزة لبن

واللبن عند البقرة

والبقرة عايزة رسيم

والبرسيم عندك

ممكن تديني؟

الفلاح قاله : ممكن طبعا

بس هاتلي حتة لحمة اتغدى واقوم اجيلك برسيم

الفار جرى تاني وراح للجزار

حدوته ظريفة ( ديل الفأر ) لحبايبي الصغار Sausage_387185

قاله : يا عم يا جزار

القطة أكلت ديلي

والقطة عايزة لبن

واللبن عند البقرة

والبقرة عايزة برسيم

والبرسيم عند الفلاح

والفلاح عايز لحمه

واللحمه عندك ممكن تديني؟

الجزار قاله طبعا طبعا بس هاتلي عيش وتعالى

جرى الفار للخباز

حدوته ظريفة ( ديل الفأر ) لحبايبي الصغار Ist2_3760325-chef

قاله: يا عم يا خباز

القطة أكلت ديلي

والقطة عايز لبن

واللبن عند البقرة

والبقرة عايزة برسيم

والبرسيم عند الفلاح

والفلاح عايز لحمة

واللحمة عند الجزار

والجزار عايز عيش

والعيش عندك

ممكن تديني[size=48]؟[/size]

الخباز الطيب قاله : علشان تاخد شيء لازم تشتغل وتتعب

تعالى اشتغل معايا ساعتين و أنا أديلك عيش

الفار ساعد الخباز

واول ما خلص شغل الخباز اداله العيش

أخده وطلع يجري للجزار

اداه العيش و أخد اللحمه

وجرى جرى باللحمه راح للفلاح

اداه اللحمه و أخد البرسيم

وجرى جري للبقرة اداها البرسيم أكلته

حدوته ظريفة ( ديل الفأر ) لحبايبي الصغار Cow-grass-cartoon-copyright5

وادته اللبن

حدوته ظريفة ( ديل الفأر ) لحبايبي الصغار Ist2_9788045-cow-with-milk-bucket-cartoon

اخد اللبن وهو فرحان وسعيد وطلع يجري للقطة

شربت القطة اللبن

حدوته ظريفة ( ديل الفأر ) لحبايبي الصغار Cats_147

ورجعت للفار ديله

الفار بقى سعيد وفرحان

وبقى هو و القطة أصحاب

حدوته ظريفة ( ديل الفأر ) لحبايبي الصغار Friendship_277175

وتوته توته خلصنا الحدوتة

حلوة والا ملتوتة[size=48]؟[/size]

لو حلوة يبقى عليكم غنوة

ولو ملتوتة يبقى عليكم حدوتة

يعطيك الف عافيه على طرحك

اشكرك على جهود ك المميزه

تحياتي واحترامي وتقديري لك

الله لا يحرمنا من تواجدك بيننا

يسلمو اناملك على طرحك الرائع

دوما تتحفينا بجمال مواضيعك

» ملابس صيفية لحبايبنا الصغار