السلام عليكم انا النهارده جبتلكم
الكفته المشويه في الفرن يا رب تعجبكم يلا نبدا
المقاديرنص كيلو لحمه مفرومه
2بصله صغيره او متوسطه
1طماطم
بقدونس
ملعقه ونص فلفل اسود صغيره
3ملاعق ملح
3ملاعق ونص بهارات صغيره
الطريقه نبشر البصل والطماطم ونقطع البقدونس قطع صغيره ونحط عليهم
الملح والفلفل والابهارات ونقلبهم كويس مع بعض
وده شكلهم
وبعد كده ناخد اللحمه المفرومه ونحطها علي الخليط ده ونقلبهم كويس مع بعض
ونبدا بقي نصبعهم ونحطهم في الصينيه
نفرش الصينيه بورق المنيوم
ونصبعهم بالملعقه ولو عندك سيخ يبقي كويس
وبعد ما رصيت الكفته كلها في الصينيه
نسيب فراغ في النص بالشكل ده
علشان نحط فيها الطبق اللي هنحط في الفحم
نكون مسخنين الفرن قبل كده
وبحط فيها الصينيه علي نار متوسطه لمدة ساعه تقريبا
او علي حسب الفرن
اما بيكون قدامها 5او10دقايق علشان تستوي
بكون في الوقت ده بسخن الفحم علي البوتجاز
واحط الطبق الصغير في وسط الصينيه وفي شوية زيت صغيرين واحط فيهم الفحم
ونغطي الصينيه بورق المونيوم علشان ريحة الفحم تكون في الكفته علشان بيديها طعم تحفه
ونسيبهم10دقائق ونطلعهم من الفرن ونحطهم في طبق
مفروش بقدونس وتزين بحلقات الشيبسي
وتقدم مع خبز ساخن وسلطة طحينه وسلطة خضروات
وشكرا
الرئيسية 
من طرف 
المزاج
موضوع: الكفته المشويه في الفرن 
