خلي بالك من آخر صفحة في الكتاب !

خلي بالك من آخر صفحة في الكتاب !



زي ما احنا متعودين مع بعض بإذن الله إن كل موسم من مواسم العباده حتى لو كثير من الناس غفل عنه حتى لو كثير من الناس مبيتكلمش عنه .. احنا لازم نتكلم عنه ونشوف الثواب اللي فيه والاجور اللي فيه ..

بحيث إن احنا نتعرض لنفحات الله ..


فإن أصابتنا نفحة واحدة من نفحات الله ..


أصابتنا في العشرة الأوائل أو الأواخر او في ليلة القدر أو في عُمره أو في شعبان .. في أي وقت .. لن نشقى بعدها أبدا بإذن الله سبحانه وتعالى ..

هنتعرض لنفحات ربنا عزوجل ولا لاء يا جماعه ..


نفحة من نفحات الله خلال أيام وهي رفع الأعمال إلى الله عزوجل ..

أنا عاوز كل واحد مننا يقف مع نفسه ونفكر في كل كلمه هقولها لكم ..


عاوز نفكر في وقفة وقفة من اللي هنتوقفها مع بعض انهارده ..


[b style="color: rgb(0, 0, 0); "][b][b][b][/b][/b][/b][/b]


أول وقفة ..

ماذا لو قبلت .. ماذا لو قبلتي ..

انتي متخيله لو الصحيفة بتاعتك اترفعت وربنا قبل الحسنات اللي فيها !

كان حلم الصحابه إن خطوة واحدة تتقبل .. إن حسنه واحده تتقبل .. إن مرة غضيت بصرك مرة تتقبل .. إنك رجعتِ عن غيبة كنت هتغتابها مرة تتقبل ..

إن صدقة واحدة .. إن تكبيرة إحرام واحده تتقبل !!

إن فريضة واحدة من خمس فرائض .. في يوم من أيام السنة .. تتقبل عند ربنا سبحانه وتعالى منك انت أو منك انتي ..


[b][b][b][b][/b][/b][/b][/b]



اقرأ وتأمل عجيب قول الله عزوجل عن مريم ..

en]فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتًا حَسَنًا وَكَفَّلَهَا زَكَرِيَّا كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا قَالَ يَا مَرْيَمُ أَنَّىٰ لَكِ هَـٰذَا قَالَتْ هُوَ مِنْ عِندِ اللَّـهِ إِنَّ اللَّـهَ يَرْزُقُ مَن يَشَاءُ بِغَيْرِ حِسَابٍ ﴿آل عمران: ٣٧﴾ ]



بعد القبول هييجي الإنبات الحسن ..


وبعده الكفاله والتربية والرعاية من الله عز وجلّ .. والرزق بعد كده في كل وقت .. وبعدها


] يَا مَرْيَمُ إِنَّ اللَّـهَ اصْطَفَاكِ وَطَهَّرَكِ وَاصْطَفَاكِ عَلَىٰ نِسَاءِ الْعَالَمِينَ ﴿آل عمران: ٤٢﴾ ]


الاصطفاء والاجتباء والرفعه والهداية والسداد والوصول إلى الله ... ده كله بعد القبول ..

ياترى هتعمل إيه في الأيام دي ربنا يقبله منك عشان تاخد الهدايا دي كلها ..

سيدنا إبراهيم كان بيرفع قوائم الكعبة .. لكن مكنش عارف إن في منى ومزدلفه و... ومكنش بيسأل يقول يارب عرفني بعد رفع الكعبه في إيه ؟؟

وهو بيرفع كان بيقول (رَبَّنَا تَقَبَّلْ مِنَّا ) .. قبل ( وَأَرِنَا مَنَاسِكَنَا ) ..



يبقى شغلك الشاغل الأيام دي هو إن ربنا يقبل منك اللي فات ..


قبل ما نطلب اللي جاي ..



الاول. 

دايما خلي قدامك ماذا لو قبل الله منك حسنة واحدة ؟!!!

هتاخد كل الهدايا اللي فوق ..

الصحيفة بتاعت السنة دي ممكن تكون آخر صحيفة تترفع ليك .. هتقفلها ازاي ؟؟

طيب لو هتعيش كمان 20 سنة وانت بلغت بقالك 10 سنين .. يعني دي صحيفة من 30 صحيفة هيترفعوا .. لو قبلت منك حسنة منها يبقى حددت مصير ال20 صحيفة اللي جايه .. يعني الموضوع خطير يا جماعه ..

الصحيفة دي هيختم عليها ومش هتشوفها غير يوم القيامة ..

هتلاقيها جايه وكل اللي فيها بيخرج أدامك ..

يبقى نلحق نقفلها صح ولا لاء ؟

نلحق نستغفر من الذنوب اللي فيها .. مينفعش تطلع من غير تزيين بالأعمال الصالحة ..
[b style="color: rgb(0, 0, 0); "][b][b][b][/b][/b][/b][/b]




إيه رأيك وانتي إيه رأيك نختم ختمه تكتب لينا في آخر صحيفتنا .. نختم القرآن ختمه قبل رفع الأعمال ..

ايه رأيكم نقضي الأعمال دي كلها في عباده .. في صيام .. عشان أعمالنا ترفع واحنا على صيام ..


يلا مبقاش في وقت ..

[b style="color: rgb(0, 0, 0); "][b][b][b][/b][/b][/b][/b]


نقلا عن الدكتور حازم شومان ..