ممكن تقبل مني 3 وردات
الاولي مني ليك ترسم شوقي لعنيك
رسول سلام وحب ورسالته دي من القلب
تحكي كلام كتير في سجون قلبي اسير
تحكي همسات بريئه عن حلم يكون حقيقة
وتشوف بريق عيوني وتحس بحب جنوني
لو تحكي ورقة ورقة حنين وعذوبة ورقة
ما تكفي وردة واحدة طيب خد التانية
التانية بداية حب حب اتولد خلاص
كانت الوردة شاهدة لحظة ميلاد احساس
احساس رقيق وغريب معقول بقالي حبيب
احكي لي يا وردة تاني يارسول اجمل معاني
احكي لي عن القلوب وازاي كيوبيد لقاني
اقولك بلاش تحكي انا دلوقتي اللي هحكي
هحكيلك انا بنفسي اسمعي سكوتي وهمسي
في غدي ويومي وامسي اشهدي بس اوعي تنسي
انا عاوزاكي يا وردة شاهدة دي الوردة التالتة جاية
الوردة التالته عهد نفضل علي طول سوا
ابدا ما نفارق بعض زي ما جمعنا الهوا
الوردة مني ليك ضمها اوي باديك
هتحس حبي وفرحي حناني وخوفي عليك
الوردة مني ليك احضنها اوي بعنيك
هتلاقي الوردة تبكي يمكن عشان مش هتحكي
اصل الورد رسول وخلاص ادي الرسالة
كل الورود بتقول عشها دي احلي حالة
وبقت وردنا ذكري نحكيها احنا بكرة
الرئيسية 
من طرف 
المزاج
موضوع: ممكن تقبل مني 3 وردات 
