من رباعيات صلاح جاهين

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
___________________
سنوات وفايته عليا فوج بعد فوج واحدة خدتني ابن والتانية زوج والتالتة أب خدتني .. والرابعة ايه ايه يعمل اللي بيحدفه موج لموج

...وعجبي......
-______________________________________
إنشد يا قلبي غنوتك للجمـــال / و ارقص في صدري من اليمين للشمال / ما هوش بعيد تفضل لبكره سعيــــد / ده كل يوم فيه الف الف احتمـــال
________________________________________
الضحك قال يا سم ع التكشيـــر / امشير و طوبه وانا ربيعي بشيـر / مطرح ما باظهر بانتصر ع العدم / انشالله أكون رسماية بالطباشيــر وعجبى !
_____________________________________
أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!
________________________
أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!
__________________
عجبـتـنى كـلمـة من كــلام الـورق
النـور شـرق من بين حـروفهـا وبـرق
حبيت أشيلها ف قلبى . . قالت حــرام
ده انـا كـل قلب دخلت فيـه اتحــرق

عـجبى !!