صايم ... بس مش زي كل سنة.

اللهم كما بلغتنا رمضان .. فبلغنا به رحمتك ورضوانك.
-------------

* الحمد لله، صايمين زي كل سنة.

ما هي دي المشكلة !!!
إننا صايمين زي كل سنة

* وإيه المشكلة في كده.

- المشكلة هي إننا صايمين كالعادة ... صيام العادة ... مش صيام العبادة.

* ياراجل حرام عليك .. بلاش افتراء ...
وهو إيه الي يخلينا نتحمل الجوع والعطش في الحر ده إلا طاعة الله سبحانه وتعالى،
معقول برضه فيه حد حايجوع ويعطش لمجرد انه اتعود على كده؟

- للأسف الشديد ... أيوه فيه.
ودي مش مشكلة جديدة، وإنما مشكلة قديمة حذر منها رسول الله صلى الله عليه وسلم، فقال:
رب صائم ليس له من صيامه إلا الجوع، و رب قائم ليس له من قيامه إلا السهر
الراوي: أبو هريرة. المحدث: السيوطي. المصدر: الجامع الصغير. الصفحة أو الرقم: 4404. خلاصة حكم المحدث: صحيح.

* يااااااااااااااااااه يعني فعلا فيه ناس بتصوم ... وتصلي القيام ... ويروح عليهم الثواب؟
ويروح تعبهم وصبرهم ده كله على الفاضي؟
طيب ليه؟؟؟

- مش أنا الي حاجاوبك على السؤال ده، ولكن الإجابة حانلاقيها قي حديث تاني لرسول الله صل الله عليه وسلم:
من لم يدع قول الزور والعمل به ، فليس لله حاجة في أن يدع طعامه وشرابه .
الراوي: أبو هريرة. المحدث: البخاري. المصدر: صحيح البخاري. الصفحة أو الرقم: 1903. خلاصة حكم المحدث: صحيح.

* ياراجل خضتني ... أنا الحمد لله عمري ما شهدت زور، لا وانا صايم، ولا وانا فاطر.
الحديث ده مش بيتكلم عني خالص.

- ياااااه .. انت فاهم إن "قول الزور والعمل به" هو شهادة الزور وبس؟

* أمال إيــــــــــه؟

- الغيبة والنميمة والكذب والنفاق وسوء الخلق والشجار وسب الناس ...... كل ده من "قول الزور".
أما "العمل به" ... فعندك الرشوة والتزويغ من الشغل والغش في الميزان وعدم احترام الدور في الطوابير والوقوف في الممنوع بالسيارة والسير عكس الاتجاه ....... الخ
ده طبعا غير إهدار الوقت في الفرجة على المسلسلات والأفلام وبرامج التهريج الي أقل ما يقال عنها انها
يتضيع وقت رمضان الغالي في كلام فارغ ...
ده غير الي فيها من مناظر محرمة، وأفكار وقيم وتقاليد تخالف الإسلام.
وعندك كمان ....

* بس بس كفاية الله يسترك ... دانا كده ضيعت كااااااااااااااام رمضان ماستفدتش بيهم خالص.
أنا كده ...تقريباً ...

لا تيأس من رحمة الله ... فإنه سبحانه أرحم الراحمين.
ولكن عليك ان تستفيد من خطأك، وأن تصحح من حالك. ولا تضيع ما بقي من رمضان كما ضيعت ما فات.

صايم ... بس مش زي كل سنة. Images?q=tbn:ANd9GcQN3T12NY440jwiC4qwrKyYB4mdFgoWS4rYp-KqfmnM8d2H06VVMQ

صايم ... بس مش زي كل سنة. Images?q=tbn:ANd9GcQN3T12NY440jwiC4qwrKyYB4mdFgoWS4rYp-KqfmnM8d2H06VVMQ

عندك حق ... أنا من اللحظة دي لازم أتعلم ازاي أصوم بجد.
جزاك الله خيرا.

الصلاة والسلام على من لانبي بعده
تقبل الله منكم وغفر الله لنا ولكم
وجزاكم الله خيرا

أحسنت

بارك الله فيك

وجزاك الله خيراً

» ده باين عليه صايم !!
» llll ازاى تقول انا فاطر وانت مش صايم llll اومال اقول ايه ؟؟؟