اللي مني مزعلني.. وساب البيت وخرج!!

اتخانق معاها
زعق
زعقت
عيطت

زهق وساب البيت وخرج

وهو بره قعد يكلم نفسه

انا بعمل علشانها كذا وكذا وهيا ولا هنا

دماغها بس ف حاجات تافهة

ومش فالحه إلا ف انها تقلب البيت عكننه ونكد

وهي قاعدة لوحدها كلمت أمها وصاحبتها وجارتها وخالتها و أختها و عمتها وسوسو

في الإسكندرية و ميمي ف طنطا

وواحدة تتطبب

وواحدة تسخن

أصله ما يستاهلكيش

هو إنت غلطانه إنك بتعامليه بالحسنى

هدي شوية ورجع البيت

دخل اوضته علشان مش عايز يفتح الكلام وهو لسه متنرفز علشان ما يتطورش وما

يتهورش

إنت داخل كده يابيه ولا كأنك عملت حاجة ؟

إنت مش حاسس بيا

تعالى شوف الناس بتعامل مراتتها إزاي

بقا دي عيشة دي

طبعاً

رد باللي فيه النصيب

وبقت ليلة كوبيا

واكيد بعد ثواني الوضع هيبقى أسوء
...............
مشهد متكرر

في كتير من البيوت

نصيحة محب

_ السلامة في التغافل

_ وقت ما يحصل زعل أو خناقة بسيطه

ونقعد نتناقش أهم حاجة نحدد

هو إحنا قاعدين نحل المشكلة ولا قاعدين في الشوط التاني للخناقة

لو الشوط التاني هتلاقى كل طرف كل همه إنه يبين للتاني

إنك إنت الغلطان

وإنك جرحتني

واللي مني مزعلني

اما لو قعدنا علشان نحل

هتلاقى الكلام غير كده

هتلاقى كل طرف بيعتذر للتاني حتى لو مش غلطان

هتلاقى كل طرف قبل ما يتكلم شغل باله بالميزات اللي في نصه التاني

وافتكر الحاجات الحلوة اللي التاني قدمها لوا

تاني حاجة :

بلاش الجو بتاع مراسلين الأخبار

طول ما المشكلة بينكو انتو الاتنين

هتبقا سهل أوي إنها تحل

إنما لو دخل فيها حد غيركو

محدش هيندم غيركو بعد كده

السلامه فى التغافل

الصلاة والسلام على من لانبي بعده
بارك الله فيك
وجزاك الله خيرا

تاني مرة ادخل هنا
لا أملك شيئاً مميزاً يعبر عن سروري هذه اللحظة
إلا مشاعري المتواضعة التي أبعثها لكِ عبر هذه السطور
دمت و دام تميزك

الله لا يحرمني هذا المرور الذي يسعدني جدا
دمتم اخواني واخواتي في حفظ الله

وجزاكم الله خيرا

الله يحفظ بيوت المسلمين ياارب

» الزوجة القنوع هي زهرة البيت
» عمل الآيس كريم في البيت
» التشويق إلى حج البيت العتيق
» الشوق العميق إلى حج البيت العتيق
» لماذا يهرب الزوج من البيت ؟