• ( مستعدة أموت بس إنت تعيش ، هو في حب كدة !!!؟؟؟ ) •*•

يقول أحدهم :
كنت بسمع كلام كتير عن فضل الأم ، و كنت زيي زي غيري أسمع اللي أسمعه و أنساه !

لكن ربنا أراد ليا الخير و خلاني أتابع حمل " زوجتي " خطوة بـ خطوة .

و أول ما دخلت في الشهر التاسع و عدَّى حوالي إسبوع بقيت بتخيل إني أنا الطفل اللي جوة بطنها .

و بدأت أراقب و أستشعر كدة شوية من اللي سمعته عن فضل الأم ..
فـ لقيت إن الأم دي عمر ما الناس هينصفوها بكلامهم مهما قالوا
و محدش هيكافئها غير الله سبحانه و تعالى ..
كمل كلامه و قال : يا ريت الكلام يسعفني أقول الحقيقة أنا فضلت أتابعها ليالي و أيام خلال أواخر شهرها التاسع ..
مرات كتير شوفتها و سمعتها و هي مش واخدة بالها و هي بتصرخ من الوجع فأحس إن وجعها ده إتنقل لقلبي

فأصبر عشان مبكيش أدامها و عنيا تفضحني :"(
و أفاجأ بها بعد لحظة تبتسم و تنسى كل الألم و تشاور على بطنها و تقول : قد إيه أنا بحبك ! ، و وحشتني و نفسي أشوفك
سبحان اللي صبرها على الألم المتصل ../
بقيت أشوفها كل ما تتحرك تتألم !
لو قعدت تصرخ ، لو مشت تتعب !

و لما تحاول تنام عشان ترتاح بتتعذب :/
مش عارفة تتقلب زي الأول فـ سريرها زي ما كانت بتتقلب قبل الحمل ، و مع كل ده هي مطالبة في الغالب الإهتمام بالبيت ، و الشئون الداخلية ، و تربية بقية أولادنا ، و نظافتهم و إطعامهم و نومهم !

كل ده لوحده كفيل إنه يهد جبال ، و يحرق الباقي من الأعصاب
و وسط كل ده تقول للصبر إتعلم مني يا صبر

جرب نفسك كدة تكون أم ؟؟

تقدر تتحمل إنك تبقى مع طفل سنة أو سنتين لساعات قبل ما تدعي على نفسك بالعذاب ؟
هي بس اللي تقدر تتحمل كل ده و هي راضية و مبتسمة (Y)

تأمل معايا المنظر ده :

و هي أعدة و حواليها باقي الأولاد عشان تأكل ده ، و تلعب مع ده و هي بتأكله ، و تشرَّب ده بعد محاولات ، و تضحك معاهم عشان يرضوا ياكلوا !
كل ده و هي أعدة حواليهم أعدة غير طبيعية كل مفصل فيها بيتألم !

و هي لسة بتبتسم ، و تشجع ، و تأكل ، و تشرَّب

و فجأة تصرخ بصوت واطي عشان جنينها ضربها فـ بطنها

فتغير أعدتها بسرعة و أول ما تقعد تبتسم و كأن مفيش حاجة حصلت ..
و من جديد يضربها ضربة تانية كأنه بيقولها : أنا هنا يا ماما !

و رغم الوجع فـ هي بتفرح و هو مش بيسيبها تستريح و لو لحظة :/

و لو حست إنه هدأ و مش بيتحرك تقلق و تخاف ، فـ أول ما يتحرك تفرح و تستبشر
يا رب !
صابرة مبتسمة ضاحكة فرحمة الله لها و عليها و معها :

كمل كلامه و قال :
شوفتها أكتر من مرة تبص ليا بنظرات فيها ألم و معاناة من غير ما شفايفها تتحرك ، و بعدها بلحظات تبتسم و تتكلم عن البيبي الجديد <3

تفتكر إن المعاناة بالحمل بتنتهي ؟

إسمعوا و نقول : قد إيه إنتِ عظيمة ؟
وقت ولادة الطفل ، بيكون لا هو عايز يفضل فـ بطن أُمه ، و لا عايز يخرُج للدنيا !

و هنا الوجع اللي لا يطاق و لا سهل يتحمله إي إنسان ، و غالباً مش بيخرج إلا بـ " الغصب "

فـ يتقطع لحمها ، أو تتفتح بطنها ، أو تحاول الدكتورة في سحبه من الجسم

و أوقات كتير روح الأم بتطلع و تموت و الطفل يعيش :'(

و إذا فاقت بعد المعركة دي تبص جمبها و تشوفه فـ تفرح و تبتسم و تقول : فداك روحِي !

يا ربي ؟

إيه الحنان و الإيثار ده ؟
بتتعب قد ما تتعب و تتمنى الموت عشان هو يعيش
كَم إنتِ رآئعة أيتُهَا الأُمـ

وجزاك الله خيرا ابنتي ساره
اسعدك الله ابنتي وفرح قلبك

ابنتي نور الشمس الحبيبه
اسعدك الله دنيا واخره ابنتي

الصلاة والسلام على من لا نبي بعده
جزاك الله خيرا

» كيف تعيش اللحظة باللحظة..!!؟
» أخطر أفعى في العالم تعيش مع عائله وتقوم بحمايتهم