خواطر رمضانية ( إحنا ليه بنصوم رمضان ؟؟)

خواطر رمضانية
ليه بنصوم رمضان ؟
قال الله تعالى في كتابة الكريم:
(يا أيها الذين آمنوا كتب عليكم الصيام كما كتب على الذين من قبلكم لعلكم تتقون )
ما حدش فكر ليه فرض الصيام علينا؟؟
أو بمعنى اصح لأنة لا يجوز إن نقول لله جل في علاه (ليه؟) أو( لماذا؟)
ما هي الحكمة الربانية في فرض الصيام علينا؟؟
طبعا الرد المعهود اللي اتعلمناه فى الابتدائي وإحنا أطفال (عشان الغنى يحس بجوع الفقير فيتصدق علية)
لو كانت هيا دهى الحكمة كان ربنا أمر الأغنياء بس هما اللي يصوموا والفقراء لا
طبعا يرضوا حد هيجي يقلى إحنا نصوم عن الذنوب والآثام ؟؟
ماشى يرضوا مقلناش حاجة طب أية لزمتها بقى اننا نجوع ونعطش
ما نصوم عن الذنوب وخلاص وناكل ونشرب عادى يعنى الحكمة من صيام رمضان؟
هل الأكل في أي وقت حرام ؟؟؟ ...لا طبعا ـــ ما اهو إحنا بناكل من الحلال طول السنة
هل الشرب في أي وقت حرام؟؟؟...لا طبعا ــــ ما هو إحنا بنشرب من الحلال طول السنة
هل أللقاء بين الأزواج حرام ؟؟؟ ... لا طبعا ـــ ما اهو إحنا بنجا مع في الحلال طول السنة
يعنى إحنا في رمضان بنمتنع إننا نعمل حاجات حلال إحنا كنا متعودين نعملها طول السنة ؟ ....
بنمتنع عن الشرب وهو حلال ، وعن الأكل وهو حلال ، وعن الجماع بين الأزواج وده كله حلال
يعني تبقي صايم في رمضان وبتعمل السلطة وأنت جعان ونفسك في حتة طماطم وما تقدر تأكل قطعة
طماطم ،
وتبقي بتعمل العرقسوس والتمر هندي وعمال تسقع المية وريقك ناشف زى الحطبة وما تقدر تقرب
عشان تأخد شفطة واحدة
وتبقي مرآتك أُقدامك راحة وجاية في المطبخ والشقة وانتم لوحدكم ومتخففة من ملابسها ونفسك فيها
وعينك تتطلع عليها وما تقدر تقرب ليها ،،
يعني إحنا بنمتنع وبنصوم عن حاجات كثير في أيام رمضان بتبقي حلال ، ونعملها في أي وقت نعوذه بعد
رمضان
قوم ربنا يقول لك لما يجي رمضان كل الحلال ده يبقي حرام لو عملته في رمضان ، ويبقي حرام طول
الشهر يعني لمدة 30 يوم ، لأ، وكمان يعمل لك عقوبة لو فطرت بدون عذر في نهار رمضان
يلزمك كفارة إيه الكفارة ؟ تصوم 60 يوم متتابعين بعد رمضان لو فطرت يوم واحد في رمضان بدون
عذر شرعي
وده معنا انك بتعود نفسك علي تقويمها ،علي انك تمتلك نفسك ولا تمتلكك ، علي أن تقود نفسك لا أن
تقودك ،علي أن تتحكم في نفسك لا أن تحكمك ، علي أن تسوق نفسك لا أن تسوقك، ولأنك لما تمتنع عن
الحلال في رمضان هتقدر تمتنع عن الحرام بعد رمضان
يبقي لو أنت موظف وحد عايز يديك رشوة هتمتنع عن أخدها ، ليه ؟ لأنك امتنعت عن الحلال ،، يبقي
من الأولي إنك ما تأخذ الرشوة ، إذا كنت امتنعت عن الحلال 30 يوم في رمضان، يبقي هتعمل الحرام ؟
طب يعنى لما تمتنع عن أمور حلال 30 يوم لمرضاة الله .....لابتغاء رضاه
مش تقدر تمتنع عن الحرام باقي العام ؟؟؟؟
تمتنع عن حلال 30 يوم ومش تقدر على الحرام باقي العام ؟؟؟؟؟؟؟؟؟!!!!!!
الواحد فينا يعتقد أنة ضعيف وأنة مثلا مش يقدر يبعد عن ذنب كذا أو ذنب كذا
لأن بيعملة من زمان ومش هيقدر يبعد عنة ...خلاص أدمنة ....
أن الله يعطيك درس يعلمك فيه مدى قوتك
قوتك التي تبعدك عن الحلال 30 يوم
ولذلك بيختهم الآية بقوله ( لعلكم تتقون )
أتمنى أكون قدرت أوصل المعلومة

خواطر رمضانية ( إحنا ليه بنصوم رمضان ؟؟) 603713_625725424230920_8328459421925893041_n

رااااااااااااااااااااااااااااااااااااااااااائع والله العظيم واكتر من رائع
استمتعت جداااااااا بطريقة الطرح البسيطه والمفيده والممتعه
بابا
بابا مرشدى
الله يكرمك ويرضى عليك ويجزيك كل الخير
وتسلم تلك الايد التى خطت تلك السطور

الله يجعله بميزان حسناتك

اخي الفاضل الاستاذ الشيخ المرشدي

موضوع غايه الروعه دائما تتحفنا بمواضيع

قيمه زادك الله علما احسنت الاختيار احسن

الله اليك وجزاك خير الدنيا والاخره

تقبل الله منا ومنكم صيامنا وقيامنا وكل عام وحضرتك وكل المسلمين بخير يارب

كل عام وحضرتك بخير شيخنا الفاضل والاسرة الكريمة

» خواطر رمضانية بعنوان ( إحنا ليه بنصوم رمضان )
» خواطر إيمانية رمضانية (فضل رمضان )*
» خواطر إيمانية رمضانية
» قيم وأخلاق رمضانية
» نفحات رمضانية